ZVICER – Një nga ndeshjet më të shumëpritura të kampionatit zviceran, mes Zyrihut dhe Bazelit është anulluar pak orë përpara zhvillimit të saj. Shkak është bërë pozitiviteti ndaj COVID-19 i një lojtari të skuadrës së Bazelit e si rrjedhojë i gjithë ekipi është futur në karantinë. Arsyeja se përse skuadra është futur e tëra në karantinë është fakti se në pritje të përgjigjes së tamponëve, ky lojtarë ka qenë normalisht në stërvitje në kontakt me të gjithë skuadrën.
Në një situate të tillë, në darkën e të shtunës, autoritetet shëndetësore vendosën që e gjithë skuadra të futej në karantinë, ndërsa do të zhvillonte testime të dyfishta për të përcaktuar më pas nëse lojtarët do të dilnin nga karantina.
Kjo është hera e dytë që klasikja e futbolit zviceran ndalohet nga Koronavirusi, pasi në fund të sezonit të shkuar ajo u anullua pasi disa lojtarë të Zyrihut rezultuan pozitiv dhe si rrjedhojë ju desh të gjithë ekipit të izoloheshin.
B.T (Dosja.al)
