Një ngjarje e rëndë ka ndodhur në mes të Prishtinës, ku efektivë të policisë kanë goditur në sy të fëmijëve të mituar një burrë, pasi nuk mbante veshur maskën.
Kështu bëjnë me dije mediat kosovare të cilat kanë publikuar videon, ndërsa një efektive grua përpiqet që të qetësojë bashkëshorten e të dhunuar dhe dy fëmijët e mitur.
Në Kosovë është e detyrueshme mbajtja e maskës në publik. Ligji për luftimin e sëmundjeve ngjitëse dhe pandemive përcakton qartë ndëshkimet për personat që nuk i përfillin masat e nxjerra për parandalimin e përhapjes së koronavirusit. Por ndër to lexohet vetëm gjoba, jo dhuna.
