GJERMANI-Robin Haxhi Krasniqi është kampioni më i ri i botës në boks për peshat e mesme. Boksieri shqiptar ka përjetuar një mbremje magjike teksa ia ka dalë të mposhtë kundërshtarin në raundin e tretë falë një të djathte, e cila bëri që arbitri t’i jepte fund para kohe sfidës, ndërsa në anë tjetër të ringut boksieri shqiptar që garon nën flamurin e Gjermanisë, shpërtheu në festë.
Një sfidë shumë emocionuese e dominuar nga Krasniqi, i cili arriti që të fitojë me “knock out” që në raundin e tretë. Bozel ishte kampion bote në kategoritë WBA dhe IBO dhe po luftonte për të mbrojtur titujt në peshën e mesme. Megjithatë, nuk ia doli dot, pasi boksieri kuqezi e shembi në tapet. Ky sukses i ka shijuar kaq shumë Krasniqit, sa është mbledhur me miqtë e tij, duke festuar më këngë patriotike. Shqiptari nuk ka nguruar të këndojë edhe vetë në praninë e një çiftelie.
E.Ç (Dosja.al)
