EUROPË– Në Grupin G Barcelona ia doli të fitojë thellë me shifrat 4-0 ndaj Dynamo Kiev. Skuadra katalanase udhëtoi në Kiev me pa një pjesë të madhe të titullarëve. Për spanjollët spikati me dygolësh Braithëaite (një gol me 11-metërsh), ndërsa dy finalizimet e tjera kanë për autorë Dest, që realizoi golin e parë me fanellën e Barçës, dhe Griezmann.
Në Grupin H ndizet gara për dy vendet e para. Manchester United bëri detyrën në “Old Trafford” përballë Basaksehirit, duke fituar 4-1. Në pjesën e parë Bruno Fernandes realizoi dy herë, ndërsa Rashford shndërroi në gol një 11-metërsh, ndërsa golin e nderit për turqit e shënoi Turuc. Në minutat shtesë kishte kohë edhe për një gol të katërt për “Djajtë e kuq”, që u shënua nga James.
Po në këtë grup, PSG fitoi minimalisht (1-0) ndaj Leipzigut me gol të Neymarit me penallti, duke i marrë vendin e dytë skuadrës gjermane falë golit në fushën kundërshtare (PSG dhe Leipzig kanë nga 6 pikë).
Nuk pati surpriza as në Grpin C, ku fituan si Dortmundi ashtu edhe Lazio. Verdhezinjtë triumfuan thellë 3-0 ndaj Club Brugge me dy gola të Haaland dhe finalizimin e Sanchos, ndërsa Lazio iu imponua 3-1 Zenitit. Immobile spikati sërish me dy gola, ndërsa mes finalizimeve të tij shënoi edhe Parolo. Golin e nderit për Krasnodarin e realizoi Dzyuba.
E.Ç (Dosja.al)
