NAPOLI-Në javën e 8-të të Serisë A, Milan mund Napolin 3-1 dhe mbetet i vetëm në krye të tabelës. Në “San Paolo”, protagonist është Zlatan Ibrahimovic: gjithçka filloi në minutën e 20-të kur kur me një goditje të shkëlqyer me kokë kaloi në avantazh kuqezinjtë.
Në pjesën e dytë, Ibra shtoi edhe një tjetër gol në portën e Napolit, duke dyfishuar shifrat për Milanin e duke u konfirmuar në një formë të shkëlqyer. Por pak minuta pas golit të dytë të Ibras, Mertens gjeti rrjetën në anën tjetër dhe rihapi sfidën, duke bërë më entuziazmues minutat e fundit të këtij dueli.
Gjithsesi, kartoni i kuq i Bakayoko i dha mundësinë Milanit të administronte rezultatin dhe të shënonte në fund edhe të tretin me Hauge, duke vulosur fitoren 3-1 që e kthen në vendin e parë në renditje. Një fitore që mungonte prej 10 vitesh në stadiumin “San Paolo, në atë kohë kuqezinjtë triumfonin me golat e Robinhos dhe Zlatan Ibrahimovic.
E.Ç (Dosja.al)
