SPANJE – Sot është dita e dytë e ndeshjeve të Champions League. Në përballjet e kësaj së mërkure, Sevilja pret Dortmundin në një ndeshje, e cila që në pjeësn e parë ka prodhuar gola dhe emocione të forta.
Vendasit gjetën golin e avantazhit me anë të Susos në minutën e 7-të, por festa andaluziane ka zgjatur pak.
Verdhezinjtë nga Gjermania rikthyen barazpeshën 12 minuta më vonë. Mahmoud Dahoud mori një pasim nga Haland dhe dhuroi një goditje fantastike.
Pa u mbyllur 45 minutat e para në “Estadio Ramón Sánchez Pizjuán”, Dortmundi përmbys gjithçka.
Në minutën e 27-të një inkursion fantastik i Erlig Haland dhe kombinimi i bukur me Jadon Sancho sjell finalizimin e bomberit nordik. Në minutën e 43-të ështe po Haland që çon shifrat në 3-1 për Dortmund.
Në pjesën e dytë pavarësisht tentativës së vendasve, e vetmja gjë që arritën të bënin ishte ngushtimi i diferencës në 3-2, duke mos mjaftuar për të evituar humbjen.
B.T (Dosja.al)
