EUROPË- Atalanta nuk ia ka dalë të marrë 3 pikët mbrëmjen e sotme. Ekipi zikaltër ka barazuar me shifrat 1-1 kundër Midtjylland në Bergamo. Një rezultat aspak pozitiv ky për skaudrën italiane që ia bën më të vështirë punën vetes. Danezët marrin sot pikën e parë në 5 ndeshej të luajtura dhe kjo tregon qartë përse Atalanta duhej të synonte vetëm për fitore.Nëse bergamaskët do të kishin triumfuar sot, atëherë në Bergamo do të kishte festë kualifikimi. Megjithatë një gjë e tillë nuk ndodhi dhe tashmë kalimi në fazën tjetër vihet në rrezik nga ekipi ku luan edhe mbrojtësi shqiptar, Berat Gjimshiti.
ATLETICO MADRID -BAYERN 1-1
Atletico e Madridit nuk shkoi dot përtej barazimit 1-1 ndaj Bayernit të Mynihut dhe shtyu kualifikimin për në ndeshjen e fundit, të cilën do ta luajë në Austri ndaj Salzburgut. “Los Colchoneros” kaluan të parët në avantazh me anë të Joao Felix, ndërsa Bayern riktheu baraspeshën 5 minuta para fundit, me anë të Thomas Muller që ekzekutoi saktë një penallti.
LIVERPOOL-AJAX 1-0
Nga ana tjetër siguroi kualifikimin si e para e grupit skuadra e Liverpoolit, që fitoi minimalisht 1-0 ndaj Ajaxit dhe shkoi në kuotën e 12 pikëve. Dy 19-vjeçarë ishin protagonist për “The Reds”, pasi mbrojtësi i djathtë Neco Ëilliams asistoi për Curtis Jones, i cili shënoi golin me vlerë 3-pikëshe.
PORTO- MANCHESTER CITY 0-0
MARSEILL- OLYMPIACOS 2-1
Porto dhe Manchester City u ndanë në barazim pa gola, rezultat ky që u mjaftoi që të kualifikohen të dyja, me anglezët si vendi i parë dhe portugezët si vendi i dytë, ndërsa Marseille mori fitoren e parë dhe ndezi shpresat për një vend në Europa League.
E.Ç (Dosja.al)
