Për të pasur një statistikë më të saktë dhe një regjistrim të plotë të shqiptarëve të Kosovës në Suedi, qeveria ka vendosur të njohë në dokumenta si vendlindje Kosovën dhe jo ish Jugosllavinë.
Sipas Express, nëse keni lindur në Kosovë po ndërkohë keni Jugosllavinë të regjistruar në kontabilitetin publik në Suedi tashmë mund ta korrigjoni atë.
Vendimi ka ardhur pas më shumë se dy vite punë intensive dhe falë një ndihme vendimtare nga ambasada e Kosovës në Suedi, tani është e mundur për të gjithë Suedezo-Shqiptarët që duan të regjistrohen në mënyrë korrekte. Kjo gjithashtu mundëson që përfundimisht të merret informacion i saktë se sa suedezë kanë origjinë nga Kosova pasi shumica e tyre sot janë regjistruar vetëm si ish-Jugosllavë.
Faqja e shtetit suedez “Skatteverket” mund të marrë parasysh nëse është e një rëndësie të madhe që individi të regjistrohet në kontabilitetin publik si i lindur në shtetin me emrin e ri, nëse personi ka lindur atje ose një shtetas i një vendi që pas lindjes së personit është bërë i pavarur ose për ndonjë arsye tjetër ka ndryshuar emrin e tyre. Për shembull, një person i lindur në 1963 në Kiev, BRSS në vend të kësaj mund të regjistrohet si i lindur në Kiev Ukrainë.
Për të bërë një ndryshim, duhet të kontaktohet Agjencia Suedeze e Taksave personalisht, ose përmes letrës ose postës elektronike ose formës dixhitale të kontaktit dhe të tregoni informacionin tuaj personal, që dëshironi të ndryshoni regjistrimin e vendit të lindjes nga Jugosllavia që nuk ekziston më, në Kosovë dhe referojuni paragrafit dhe deklaroni se është me rëndësi të madhe që ta korrigjoni këtë.
(E.H/Faxweb.al)
