SHBA – Ishte edhe notari olimpist Klete Keller midis mbështetësve të Tramp në demonstratën e 6 janarit, që degjeneroi në sulmin mbi “Capitol Hill”. Ish-notari 38-vjeçar është identifikuar në videot e incidenteve që po hetohen, ku humbën jetën edhe 5 vetë.
Keller mbante bluzën e ekipit kombëtar të SHBA-së, ndërsa policia u përpoq të evakuonte protestuesit nga ndërtesa e parlamentit amerikan. Sidoqoftë, në asnjë imazh nuk shihet kampioni në një situatë të dhunshme, i tradhëtuar nga lartësia e tij (2 metra). Gjithsesi, prania e tij midis një grupi të dhunshëm, mund ta vinte atë në në bankën e të akuzuarve për hyrjen dhe sjelljen e paligjshme në “Capitol Hill”.
Të paktën 12 persona kanë konfirmuar praninë e Keller në këto protesta, ndërkohë që në llogaritë e tij në rrjetet sociale në internet, janë fshirë të gjitha mesazhet pro-Trump. Deri më tani, janë identifikuar 17 të dyshuar dhe 70 persona të akuzuar.
Sipas një zyrtari të lartë të Departamentit të Drejtësisë në Uashington, qindra akuza priten të ngrihen në muajt e ardhshëm. Keller, së fundmi, ka punuar si agjent i pasurive të patundshme në Kolorado Springs, qyteti ku ndodhet Komiteti Olimpik i SHBA-së.
Keller, në karrierën e tij sportive, është stërvitur nga trajnerët më të mirë si Xhon Urbanshek, Bob Bauman dhe Dejvi Salo. Në Lojërat Olimpike, “Sidneit 2000” konkuroi në garën në 400 metra stil i lire dhe stafetën 4×200, ku 2 medalje ari dhe një bronzi. Ai konkurroi edhe në Olimpiadën Athinë 2004, ku gjithashtu fitoi 2 medalje ari, 2 argjendi, 2 bronzi, pa llogaritur këtu medaljet e fituara në kampionatet botërore të këtij sporti.
Pasi kishte mbyllur karrierën e tij, Klete Keller kaloi në depresion, ku motra tij e vogël e shpëtoi që të rikthehej në jetën normale. Së fundmi, ai vendosi të bëhej një republikan, përqafoi angazhimin politik dhe u bë një ndjekës i Tramp.
B.T (Dosja.al)
B.T (Dosja.al)
