TIRANE – Nga sot i jepet fund zyrtarisht bojkotit të futbollit në Shqipëri ku do të filloj gjithcka me Kupë e Shqipërisë. Ndeshjet do të jenë me një takim dhe luhen në orën 13:30, teksa Teuta, kampionia në fuqi e Kupës, është shortuar në Grupin A dhe do ta nisë rrugëtimin e saj nga sfida me Tërbunin, ku sigurisht janë favoritët për të kaluar më tej. Sakaq, Tirana, pret në Skënder Halili, Shkumbinin, teksa edhe në këtë sezon do të kërkojnë t’i shkojnë deri në fund kompeticionit. Sfidë interesante në Grupin A është edhe ndeshja mes Flamurtarit dhe Dinamos.
Ndërkohë, në Grupin B, Kukësi pret Maliqin teksa edhe verilindorët janë një nga skuadrat që mund të shkojnë deri në fund të turneut. Po, në Grupin B, bën pjesë edhe Partizani, me të kuqtë që do të luajnë në Librazhd me Ilirinë. Ndërkaq, Vllaznia e nis aventurën në Kupë ndaj Devollit, ndërsa Skënderbeu pret Tomorin. /VipSport.al/
Ndeshjet, Grupi A, 13:30
Tirana-Shkumbini
Laçi-Vora
Teuta-Tërbuni
Bylis-Veleçiku
Flamurtari-Dinamo
Kastrioti-Burreli
Besëlidhja-Egnatia
Korabi-Erzeni
Grupi B, 13:30
Kukësi-Maliqi
Skënderbeu-Tomori
Partizani-Iliria
Vllaznia-Devolli
Luftëtari-Elbasani
Apolonia-Turbina
Pogradeci-Oriku
Lushnja-Besa
B.T (Dosja.al)
