ZVICER – Shqipëria është gjobitur nga UEFA. Komisioni i Kontrollit, Etikës dhe Disiplinës pranë UEFA-s (CEDB) ka gjobiti Federatën Shqiptare të Futbollit me 5 mijë euro për mosrespektimin e protokollit “Return to play” të përcaktuar nga institucioni i futbollit europian në ndeshjen Shqipëri-Bjellorusi, zhvilluar më 18 nëntor në “Air Albania”.
Disiplina pranë UEFA-s, e informuar nga raporti i delegatit të ndeshjes, ka arritur në përfundimin, se FSHF nuk ka respektuar detyrimet organizative dhe mjekësore për mbarëvajtjen e ndeshjes ndaj bjellorusëve për Nations League.
Ndërkohë, nuk kanë shpëtuar pa u ndëshkuar edhe nuk Federata e Futbollit të Bjellorusisë. Ajo është gjobitur me 6 mijë euro, për shkak të sjelljen e gabuar të futbollistëve të saj në “Air Albania” pas përfundimit të takimit me kuqezinjtë, ku pati mosmarrëveshje mes palëve.
Masa penalizuese duhet të shlyhet brenda 90 ditëve nga të dyja palët, njofton UEFA.
B.T (Dosja.al)
