TIRANË- Presidenti i Federatës Shqiptare të Futbollit, Armando Duka nuk e ka pritur mirë pyetjen e gazetares Hygerta Sako. I ftuar në emisionin “Java” në RTSH, ku u diskutua bojkoti i futbollit në Shqipëri për shkak të bojkotit të Ligës Profesioniste dhe presidentëve të Superligës, gazetarja pyeti Dukën, a ishte faji i Dukës që klubi i Tiranës humbi. Këtu, presidenti Duka u përgjigj me seksizëm duke e quajtur Sakon një mis, e jo gazetare.
PËRPLASJA E SAKOS ME DUKËN:
Hygerta Sako: Humbja e Tiranës është faji juaj për shkak të bojkotit?
Duka: Eha këto janë muhabete për interesa të personave në veçanti. Për mua Hygerta është më shumë Miss se sa gazetare.
Hygerta Sako: Ju i shmangeni gjithmonë pyetjeve dhe duket se i keni mësuar përmendësh këto gjëra. Unë nuk jam e bukur, por jam gazetare prej 25 vitesh.
Duka: Nuk e di kush i bën këto pyetje, por këto janë tema specifike. Nëse do të kishim luajtur do të thonin që ishin të lodhur, tani thoni u eleminuan nga bojkoti, por për mua Tirana bëri sukses.
Hygerta Sako: Ju nuk ndiheni në faj për humbjen e Tiranës?
Duka: Nuk ndihem aspak fajtor, pasi për mua Tirana arriti sukses në Europë.
Duka: Nuk ndihem aspak fajtor, pasi për mua Tirana arriti sukses në Europë.
Shmangia e presidentit të FSHF ndaj pyetjes së një gazetareje nuk është hera e parë që shihet në televizionet shqiptare. “Tempujtë” ku flitet më shumë se askund për barazinë gjinore, janë kthyer në arena seksizmi. Sako nuk ia la mangut përgjigjien kreut të FSHF-së, duke ia qartësuar se puna e saj nuk lidhet me bukurinë dhe pamjen e jashtme, por sërish ky debat na la një shije të keqe…
(F.g/dosja.al)
