FRANCE – Rusia shprehet e gatshme të pres “Euro 2020”-n, kampionati europian i ftubollit që duhet të zhvillohej këtë verë, por për shkak të pandemisë Covid 19, u shty për në vitin e ardhshëm. Sipas planit, organizimi i këtij Europiani duhet të ishte mes 12 qyteteve të ndryshme europiane. Amsterdam, Baku, Bilbao, Bukuresht, Budapest, Kopenhagen, Dublin, Glasgou, Londër, Mynih, Romë dhe Shën Petërburg.
Megjithatë plani për të gjetur një formulë të re, i ndikuar edhe nga situata e pandemisë, është në proces diskutimi ende nga UEFA. Sipas “Lë Parisien” Rusia ka bërë hapa konkret për t’u ofruar si një vend i sigurtë për zhvillimin e Europianit duke qenë se ka edhe infrasturkturën e ngritur.
Në Rusi u zhvillua Botërori i vitit 2018 dhe për këtë arsye mendohet që të jetë një kandidat i fortë edhe për Europianin që është planifikuar të zhvillohet nga data 11 qershor në 11 korrik të vitit 2021.
Në Rusi raportohen edhe numra të ulta sa i përket infektimeve kjo si rrjedhojë edhe vendimeve që janë marrë për të mbyllur kufijt që nga data 18 mars, ndërkohë që ka përjashtime për ekipet dhe aktivitetet sportive.
Një tjetër opsion ishte Azerbaixhan, por që është skualifikuar për shkak të konfliktit që ka me Armeninë. Ndërkohë UEFA ka njoftuar se ky turne mund të afrohet për muajin Mars. “Shëndeti i pjesmarrësve në lojë është prioritet, për këtë arsye nuk duam të ushtrojmë asnjë presion në shërbimet publike të asnjë vendi që do të organizojë ndeshjet.”
B.T (Dosja.al)
