HUNGARI-Pas pothuajse 5 vitesh Odise Roshi largohet nga Akhmat Grozny duke lënë përfundimisht Premier Leaguen ruse për t’u transferuar në elitën e futbollit hungarez. Anësori shqiptar ka arritur marrëveshjen me klubin e Diosgyori VTK.
Fieraku ka kaluar me sukses vizitat mjekësore, teksa kjo pjesë ishte e vetmja që mbante peng zyrtarizimin e marrëveshjes për shkak të problemeve fizike që sulmuesi i kombëtares ka pasur në të kaluarën. Megjithatë, tashmë gjithçka ka kaluar me sukses dhe Roshi do të jetë i përqëndruar për të dhënë maksimumin në fushën e lojës.
Klubi i Diosgorit është i përfshirë në garën për mbijetesë në këtë sezon dhe 29-vjeçari shpreson të kontribuojë pozitivisht për klubin, ndërsa në skuadër do të gjejë edhe shqiptarin tjetër, Hysen Memolla.
E.Ç (Dosja.al)
