SPANJE – Lajm i mirë për Barcelonën. Trajneri Ronald Koeman, me gjasa mund ta llogarisë mbrojtësin Zherard Pike për ndeshjen e parë, të së martës kundër Paris SG, e vlefshme për të turin 1/16-tave të Champions Leagues.
Mbrojtësi u stërvit këtë të dielë me pjesën tjetër të shokëve të tij të skuadrës dhe tani vendimi përfundimtar, duhet të merret pas trajningut që skuadra planifikon të kryejë të hënën. Pike u dëmtua më 21 nëntor, në ndeshjen e LaLigës kundër Atletiko Madrid, pas një përplasjeje me Korrean.
Që kur u dëmtua, Pike ka punuar në mënyrë që të arrijë ndeshjen e Champions League këtë të martë, edhe për shkak të rëndësisë së saj. Disa javë më pare, ai filloi të bënte stërvitje vetëm në fushë, në funksion të evolucionit të mirë të dëmtimit të tij.
Këtë javë ngarkesat fizike të futbollistit u rritën. Të enjten dhe të premten ai arriti të provonte veten për të parë se si po i ecte gjuri. Në stërvitjen e kësaj të diele Pike ka bërë një hap përpara duke e përfunduar seancën, me pjesën tjetër të shokëve të tij të skuadrës.
B.T (Dosja.al)
