BRAZIL-“Tashmë kanë kaluar shtatë ditë që kur u largove nga kjo botë. Shumë njerëz donin të na krahasonin, ishte kështu gjithë jetën. Ju ishit një gjeni që magjepsi botën, një magjistar me një top në këmbët e tij. Një legjendë e vërtetë. Por para kësaj. gjithçka, për mua, do të jesh gjithmonë një mik i shkëlqyer, me një zemër të madhe “.
Një javë pas vdekjes së Maradonës, Pele, ‘futbollisti tjetër i shekullit’, ka postuar në rrjetet sociale një reflektim për argjentinasin, me të cilin, në realitet, ishte rival vetëm me fjalë, por kurrë vërtetë.
“Sot bota do të ishte shumë më mirë – vazhdon Pelé – nëse do të mund të bënin më pak krahasime me njëri-tjetrin dhe në vend të kësaj të kalonim më shumë kohë duke admiruar njëri-tjetrin.Kjo është arsyeja pse unë dua të them se jeni i pakrahasueshëm. Trajektorja jote është karakterizuar gjithnjë nga ndershmëria. Gjithnjë ke deklaruar atë që ke dashur e atë që ke urryer. E kjo mënyrë e jotja e vecantë na mëson se duhet të duam e të themi ‘të dua shumë herë më shumë. Ikja jote e shpejtë nuk më la ta them, atëherë po ta shkuar: unë të dua shumë, Diego”.
“Miku im i madh, faleminderit – thotë sërisht Pelé, që ka zgjedhur një foto të tij me Maradonën – për ditët së bashku. Një ditë, atje lart në qiell, do të luajmë në të njëjtën skuadër. E do të jetë hera e parë që do të ngre grushtin lart, jo për të festuar një gol, por se do mundem të të përqafoj sërisht”.
E.Ç (Dosja.al)
