Nga Erblina Mile
Pandemia dhe largimet e padrejta nga puna kanw rritur borxhet e bashkive në vend.Sipas të dhënave të Ministrisë së financave deri në muajin qershor totali i detyrimeve ka arritur në 8.7 miliar lekë ose mbi 70 milion euro.
Gjatë periudhës prill qershor rritja e detyrimeve ka ardhur e ndikuar nga zëri i shpenzimeve por më shqetësues mbetet fakti i shtimit të borxheve në zërin e vendimeve gjyqësore për lagrimet e padrejta nga puna.
Agron Haxhimali thekson se ky është një problem i hershëm që prek direkt taksapaguesit dhe gjithçka bëhet për arsye politike.
“Është një shqetësim i madh, se për një vend pune mund të paguajnë deri në 3 punonjës. Kjo rëndon shumë taksapaguesit shqiptar. Është një fatkeqësi e madhe që të rrijë një punonjës administrate në stresin që do të ndryshojë kryetari do më heqin nga puna.”
Një tjetër faktor që ka ndikuar në borxhin e bashkive janë edhe masat e mara në kuadër të pandemisë siç janë dezinfektimet apo paketat sociale të ndërmarra për familjet e varfra.
“E kanë origjinën nga pandemia e Covd-19 ku 61 bashkitë e Shqipërisë ishin të detyruara të rialokonin shpenzimet e tyre, nga të ardhurat e tyre, pasi qeveria qendrore nuk ka dhënë asnjë lek për pushtetin vendor..”
Afrimi i fushatës zgjedhore sipas kreut të shoqatës së bashkive pritet të përkeqësojë edhe më shumë nivelin e borxheve të bashkive pasi mbledhja e të ardhurave lihet pas dore.
Kryeqyteti rezulton bashkia me nivelin më të lartë në stokun e detyrimit të mbetur me rreth 16 milion lekë, krahasuar me tremujorin e parë të vitit 2020.Më pas renditet bashkia Kavajë me 6.8 milion euro ,Vora me 5.7 milion euro dhe Pogradeci me 3.3 mln euro. E vetmja bashki në vend që rezulton se ka 0 detyrime është Patosi.
Detyrimet më të mëdha
- Bashkia Tiranë 15.7 milionë euro
- Bashkia Kavajë 6.8 milionë euro
- Bashkia Vorë 5.7 milionë euro
- Bashkia Pogradec 3.3 milionë euro
NIVELI I DETYRIMEVE
Janar-Mars 2020 65.2 mln euro
Prill- Qershor 2020 70.2 mln euro
Detyrimet sipas zërave
Investime 52%
Mallra dhe Shërbime 22%
Vendime Gjyqësore rreth 14%
Të tjera rreth 9%
TVSH dhe kosto lokale 3% /abcnews.al/
