Edhe një mjek tjetër ka humbur betejën me COVID-19 në Kosovë. Dr. Mynafir Beshiri ka ndërruar jetë mbrëmë, ka njoftuar Oda e Mjekëve të Kosovës. Dr. Beshiri ishte punonjës i Qendrës së Mjekësisë Familjare në Dragash.
“Humb betejën me koronavirusin mjeku nga Dragashi. Ndahet nga jeta Dr. Mynafir Beshiri. Dr. Beshiri i ka shërbyer shëndetësisë primare në QKMF Dragash. Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij”, thuhet në njoftimin e Odës.
Numri total i viktimave nga koronavirusi në Kosovë ka kaluar numrin 500. Instituti Kombëtar i Shëndetësisë Publike të Kosovës ka njoftuar se me 9 viktimat që janë konfirmuara dje (e shtunë), numri i të vdekurve nga COVID-19 ka shkuar në 508. Ndërkaq numri i rasteve pozitive deri më sot është 13.215 raste nga 50.223 persona të testuar.
Numri i përgjithshëm i të shëruarve është gjithsej 9 mijë e 355 raste, kurse numri i rasteve aktive është 3 mijë e 352.
(F.GJ/FAXWEB.AL)
