Lideri i Aleancës për Ardhëmirë e Kosovës (AAK), Ramush Haradinaj, e ka përshëndetur Marrëveshjen e nënshkruar sot në Shtëpinë e Bardhë. Haradinaj shkruan në rrjetin social Facebook se është i lumtur dhe miqtë e vërtetë gjithmonë e kuptojnë shqetësimin e drejtë.
Ndër të tjera shton se besimi në rolin dhe angazhimin e Shteteve të Bashkuara të Amerikës gjithmonë ka qenë i paluhatshëm dhe i tillë mbetet!
Reagimi i Haradinaj: E përshëndes Marrëveshjen e nënshkruar sot në Shtëpinë e Bardhë!
Miqtë e vërtetë gjithmonë e kuptojnë shqetësimin e drejtë. I lumtur që shqetësimet tona në pikën kontestuese për Ujmanin, kanë reflektuar në Marrëveshjen e nënshkruar.
Besimi ynë në rolin dhe angazhimin e Shteteve të Bashkuara të Amerikës gjithmonë ka qenë i paluhatshëm dhe i tillë mbetet! Faleminderit President Trump! Zoti i bekoftë Shtetet e Bashkuara të Amerikës!
