Tekniku i kuqezinjve Edy Reja është i trazuar në prag të ndeshjes së kombëtares me Bjellorusisë, e vlefshme për debutimin në Ligën e Kombeve. Bjellorusia për Shqipërinë është ekipi më i vështirë në grupin C4, që e kthen këtë sfidë në një ma të rëndësishmet e kualifikueseve. Palët kanë shtruar në tryezat e ekipeve, secili pluset dhe minuset. Kuqezinjtë kanë në krahun e tyre “cilësinë”, ndërsa “bjellorusët” përgatitjen fizike. Lojtarët e ekipit kanë nisur kampionatet përkatëse, duke qenë në një formë më të mirë fizike.
Ajo që tremb Rejan lidhet me faktin se lojtarët e kombëtares kanë mbi 9 muaj pa luajturpër shkak të pandemisë. Edhe në konferencë Reja tha se nuk ka eksperimente dhe se ndeshja do të jetë në dorën e gardës së vjetër.
Një formacion i mundshëm ka nisur të qarkullojë në faqet sportive për sfidën e orës 20:45 në Minsk. Në mbrojtje, i vetmi kombinim i saktë për italianin është Gjimshiti, Veseli dhe Dermaku, të rreshtuar para Strakoshës. Në mesfushë pritet që të rreshtohet Gjasula, Keidi Bare, Amir Abrashi dhe Qazim Laçi. Kapiteni Elseid Hysaj është i sigurtë në të djathtë, ndërsa në të majtë Trashi e Roshit sfidohen për një vend. Në sulm, do të jetë Rei Manaj dhe Sokol Cikalleshi, ndërsa në stol Armando Sadiku.
(F.g/dosja.al)
