FRANCE – Një nga slemet më të mëdhej të tenisit, Roland Garros, do të ketë finale e ëndrrave. Pas Rafael Nadal, në finale e madhe të turneut francez është kualifikuar edhe Novak Djokovic pas një ndeshje të stërmundimshme me 5 sete përball grekut Stefanos Tsitsipas me shifrat 6-3 6-2 5-7 4-6 6-1. Gjithcka do të kishte qenë shumë më e thjeshtë për tenistin serb i cili mund ta mbyllte me tre sete këtë ndeshje, nëse nuk do të humbiste goditjen e fundit nga shërbimi i tij kur shifrat ishin 5-4 në setin e tretë që u përmbys në shifrat 5-7. Për t’u duartrokitur paraqitja e Tsitsipas i cili rezistoi gjatë. Gjithësesi dëshria e Djokovic për të mos humbur një finale të madhe përball spanjollit Rafael Nadal bëri që gjithcka të mbyllej në favor të tij pas 3 orësh e 54 minutash. Kjo finale e së dielës, do të jetë e 16-ta mes Novak Djokovic dhe Rafael Nadal (9 me 6 në favor të Nadal deri tani). Këtë herë ata përballen në mënyrë krejt të barabartë pasi kanë nga 4 fitore secili në këtë slem. Nadal nuk arrin të fitojë përball tenistit serb që nga finalja e Roland Garros e vitit 2014. Që nga ajo kohë janëpërballur vetëm një herë, në finale e Australian Open e dominuar nga Djokovic me shifrat 6-3 6-2 6-3.
B.T (Dosja.al)
