Instituti Kombëtar i Shëndetësisë Publike ka njoftuar se në 24 orët e fundit janë regjistruar shtatë vdêkje dhe 92 raste të reja me COVID-19 në Kosovë, ku vihet re një ulje e lehtë e infektimeve.
Rastet pozitive janë nga: komuna Prishtinë 39 raste, komuna Prizren 10 raste, komuna Gjakovë 9 raste, komuna Ferizaj 5 raste, komuna Fushë Kosovë 5 raste, komuna Drenas 4 raste, komuna Vushtrri 3 raste, komuna Istog 2 raste, komuna Podujevë 2 raste, komuna Rahovec 2 raste dhe me nga një rast komunat Deçan, Gjilan, Han i Elezit, Kamenicë, Lipjan, Obiliq, Pejë, Shtime, Skenderaj, Suharekë dhe Viti.
Me këtë shifër, numri i rasteve pozitive që nga fillimi i pandemisë ka arritur në 14 e 119, me gjithsej 563 raste të vdêkjeve, të cilët kanë pasur edhe sëmundje të tjera shoqëruese.
IKSHP’ja ka bërë me dije se që nga dje janë shëruar 115 pacientë.
“Numri total i rasteve pozitive është 14.119 raste nga 54.011 persona të dyshimtë në virusin SARS-CoV-2 dhe 563 raste të vdêkjes. Gjatë 24 orëve të fundit, janë shëruar 115 pacientë derisa numri i përgjithshëm i të shëruarve deri më sot është gjithsej 10.546 raste, kurse numri i rasteve aktive është 3.010“, thuhet në njoftimin e IKSHP’së.
