Sekretari i Përgjithshëm i Lidhjes Arabe, Ahmed Aboul Gheit ka dënuar vendimin që Serbia dhe Kosova të hapin ambasadat e tyre në Jeruzalem.
Ai tha në një deklaratë se kjo lëvizje është në kundërshtim me vendimin e Kombeve të Bashkuara, të drejtën ndërkombëtare dhe rezolutat e Këshillit të Sigurimit që ndalojnë vendet të lëvizin ambasadat e tyre në Jeruzalem pasi konsiderohet e okupuar që nga viti 1967, si dhe Rezoluta 478 e 1980 që ndalon vendet të krijojnë misionet diplomatike në Jeruzalem dhe refuzimi i çdo mase që do të ndryshonte statusin ligjor të qytetit.
Aboul Gheit theksoi pozicionin e fortë të Lidhjes Arabe që e konsideron Jeruzalemin si një nga çështjet e statusit përfundimtar për t’u negociuar midis palëve palestineze dhe Izraelite.
Ai shtoi se injorimi i vendimeve ndërkombëtare dhe parapëlqimi i rezultateve të negociatave është një veprim i gabuar dhe i paligjshëm dhe pengon rëndë shanset për të arritur një paqe të vërtetë bazuar në zgjidhjen e dy shteteve.
