BRAZIL– Pandemia e koronavirusit ka shkaktuar shumë proleme në mbarë botën duke mbyllur për muaj me rradhë shkollat, biznese dhe çdo aktivitet tjetër ku mblidhen shumë njerëz. Mediat e huaja kanë raportuar së fundmi se parada e karnavaleve në Rio de Janeiro, që do të mbahet shkurtin e ardhshëm, është shtyrë pa afat, lajm ky që është bërë me dije nga organizatorët.
Por siç kanë njoftuar edhe organizatorët, parada e karnavaleve në Rio nuk mund të zhvillohet pa pasur një vaksinëpër faktin se është një aktivitet ku marrin p jesë miliona vizitorë çdo vit.
Brazili ka qenë një nga vendet më të prekur nga pandemia me 4.5 milion infeksione dhe më shumë se 138,000 vdekje.
Jorge Castanheira, presidenti i ligës samba Liesa tha që shkollat nuk do të kishin kohë për t’u përgatitur ose organizuar për ngjarjen e shkurtit.
“Ne po kërkojmë një zgjidhje alternative, diçka që mund ta bëjmë kur është e sigurt për të kontribuar në qytet. Por ne nuk jemi aq të sigurt për të caktuar një datë.”- ka thënë ai.
Njoftimi vlen për ngjarjen zyrtare të karnavalit të Liesa por nuk vlen për partitë lokale që dalin në rrugë për fushatat e tyre, prandaj është e paqartë nëse çfarë do të ndodhë.
Parada e karnavaleve në Sao Paulo tashmë është shtyrë me tetë muaj deri në tetor 2021. Në Brazil ende po regjistron mijëra infeksione të reja çdo ditë, ku të enjten vendi regjistroi 32,817 raste të reja dhe 831 viktima. Në hapjen e Asamblesë së KB gjatë kësaj jave, Presidenti Jair Bolsonaro hodhi poshtë kritikat për punën që ka bërë qeveria për pandeminë. Në fjalimin e tij ai ka fajësuar mediat për shkaktimin e panikut dhe “politizimin” e pandemisë.
Burimi: BBC
Burimi: BBC
A.C/Dosja.al
