TIRANE – I gjithë komuniteti dhe dashamirësit e futbollit janë me sytë nga qeveria për gjetjen e zgjidhjes ndaj kërkesave të Ligës Profesioniste që do të përkthehej në rikthimin e futbollit në fushën e blertë. Nëse dha një dritë jeshile takimi i zhvilluar në Ministrinë e Financave mes presidentit të Ligës Edvin Libohova gjërat ende nuk janë në rrugën e duhur. Këtë gjë në një fare mënyre e ka shprehur një prej antarëve të Ligës, si pesidenti i Apollonisë, Koço Kokëdhima i ftuar në News24.
“Njerëzit e matematikës thonë se shtrimi i drejtë i problemit përmban gjysmën e zgjedhjes. Ky bojkot ka ndihmuar për zgjidhjen e problemit. Kërkesa e Ligës profesioniste është që të gjithë aktorët të ndërgjegjësohen dhe të marrin përgjegjësitë e tyre. Nuk mendoj se kjo javë do t’i japë fund bojkotit.
Nuk ka ndodhur ndonjë gjë që të ndërpritet bojkoti. Qeveria këtë javë mund të ketë lexuar letrat që i kemi dërguar ne, nuk ka ndodhur gjë tjetër. Nuk kemi çfarë të zbusim ne, jemi të qetë dhe të urtë. Kërkesat janë të qarta. Teoria e Fidelit është e njohur, nuk ka asnjë bazë të vërtetë. Ai e vetmja gjë që ka kërkuar është t’i jepet fund bojkoti. Fideli nuk ka asnjë fuqi dhe kompetencë. Këto janë çështje që i përkasin qeverisë. Nuk është Liga që mungon në diskutime. Nuk e kuptoj pse qeveria, që i cilëson kërkesat e Ligës të drejta, ka nevojë që ta shikojë zgjidhjen te Liga.
B.T (Dosja.al)
