KOLUMBI – Disa ditë pas arrestimit nga policia kolumbiane në shtëpinë e prindërve dhe disa ditë pasi video bëri xhiro nëpër botë, ku ai shfaqej i përgjakur dhe i ndryshuar dukshëm, Fredy Guarin ka thyer heshtjen dhe ka bërë këtë deklaratë të postuar në rrjetet sociale.
“Unë dua të shpreh mirënjohjen e përjetshme për familjen time, miqtë, tifozët, shokët e skuadrës dhe menaxhmentin e klubit, për solidaritetin e tyre dhe mbështetjen e pakushtëzuar në lidhje me situatën time aktuale personale dhe familjare.
Lidhur me versionet që qarkullojnë, në lidhje me atë që ka ndodhur, unë dua të sqaroj se ajo që është thënë për anëtarët e familjes sime nuk është e vërtetë. Unë kërkoj respekt për ta, veçanërisht për fëmijët e mi, të cilët nuk duhet të vuajnë pasojat e ekspozimit tim publik ose veprimet e mia.
Sot përballem me një nga ato lojërat e vështira, por jam i sigurt që me ndihmën e Zotit dhe atyre që më besojnë dhe më njohin, do ta fitoj. Vlerësoj jashtëzakonisht të gjitha mesazhet inkurajuese, të cilat më japin shpresën të përmirësohem ditë,”- ka shkruar mesfushori kolumbian Fredy Guarin që luan për Milionarët, por në të shkuarën është aktivizuar edhe me skuadrën e Interit në Itali.
B.T (Dosja.al)
