PRISHTINË-Prishtina djeg konkurencën e Partizanit në garën për mesfushorin e kombëtares shqiptare Sabien Lilaj, të paktën duke iu referuar raportimeve që vinë nga klubi kosovar. Klubi i Prishtinës doli me një komunikatë ku bën se pas një darke që ka patur me futbollistin, aksioneri i klubit kryeqytetas Rrahman Haradini ka arritur marrëveshjen dhe Sabien Lilaj është zyrtarisht një lojtar i Prishtinës. Klubi kosovar bën me dije se mesfushori shumë shpejt do të prezantohet para mediave kosovare.
Nga sa mësohet Lilaj do të firmosë një kontratë 3-vjeçare me skuadrën e IPKO Superligës së Kosovës, nga e cila do të përfitojë rreth 80 mijë euro në sezon. I interesuar për ish-mesfushorin e Skënderbeut ishte edhe Partizani por lojtari 31-vjeçar nuk mund të priste gjatë për të vendosur të ardhmen e tij dhe ka lënë “thatë” klubin e kuq dhe ish-trajnerin e tij Ilir Daja i cili e kërkonte me ngulm, por për momentin Partizani vazhdon ta ketë merkaton të bllokuar dhe deri sa të vijë përgjigjia përfundimtare nga CAS për çështjen “Çinari”, nuk mund të bëjë asnjë afrim në merkato.
E.Ç (Dosja.al)
