ARMENI-Lufta e ashpër midis Armenisë dhe Azerbajxhanit i ka marrë jetën futbollistit Liparit Dashtoyan. Luftimet e ashpra midis Armenisë dhe Azerbajxhanit vazhdojnë, duke lënë pas me qindra viktima. Futbollisti 22-vjeçar ka rënë në frontin e luftës së Nagorno-Karabakut, ku prej disa javësh po zhvillohen luftime të ashpra mes forcave ushtarake azere dhe armene.
Lajmi për vdekjen e ish-mesfushorit me tipare sulmuese u dha nga klubi i tij Alashkert:“Lajm i hidhur nga fronti i luftës! Dashtoyan është futur në listën e heronjve që kanë dhënë jetën për atdheun. Prehu në paqe, ushtar”, thotë njoftimi.
Futbollisti 22 vjecar ka veshur fanellën e Alashkter-2 mes 2014 e 2019, ndërsa sot ka humbur jetën, duke iu shtuar 223 ushtarëve armenë të vrarë në luftime që nga 27 shtatori, sipas asaj që bëjnë të ditur autoritetet e Nagorno Karabakh.
E.Ç (Dosja.al)
