TIRANË– Tirana e ka nisur merkaton me shumë vrull. Pas dy afrimeve si Taulant Seferi dhe Jocelin Behiratche klubi bardheblu nuk do të ndalet këtu. Refik Halili ishte i ftuar në emsionin “Procesi Sportiv”, numri një i klubit ka shfaqur zemërimin për mënyrën sesi Partizani dhe Shkëndija e Tetovës kërkonin Taulant Seferin, pasi Tirana gjendej mes problemeve. Gjithashtu është theksuar se klubi do të zyrtarizojë edhe një futbollist bullgar që vjen nga CSKA.
BORXHI-“Ishim të detyruar për të mbyllur shumën e duhur. Detyrimi ishte 344 mijë euro për të zhbllokuar merkaton. Ishte një goditje e rëndë kjo, na kishin thënë që nuk do të kishte probleme, por e kemi kaluar edhe këtë. Nuk na erdhi mirë që klubet nisën të kontaktonin Taulant Seferin pasi na ishte bllokuar merkato përkohësisht. Kishte shumë telefonata te menaxheri i tij nga Partizani dhe Shkëndija e Tetovës.
MERKATO- Unë nuk pranoj humbje dhe do t’i shfrytëzojmë këto ditë për të bërë diçka të mirë. Sonte, nga momenti në moment, do të zyrtarizojmë edhe një tjetër sulmues bullgar në klubin e CSKA. Është thuajse e mbyllur dhe do të ecim përpara drejt titullit. Sot ka ardhur në fushë Celhaka dhe Kale”, u shpreh Halili.
E.Ç (Dosja.al)
