Djali i Presidentit Aleksandër Vuçiç, ka qenë së fundmi në territorin e Kosovës, ku ka shpërndarë dhurata për disa fëmijë të komunitetit serb me rastin e festave të fundvitit. Siç raportojnë mediat në Kosovë Danilo Vuçiç shpërndau pako të Vitit të Ri fëmijëve në fshatrat Suhogërl dhe Bajë në Komunën e Skënderajt.
Ai vizitoi kopshtin e fëmijëve “Maja” dhe shkollën fillore lokale. Danilo Vuçiç shkoi gjithashtu edhe në fshatin Prolluzhë të Vushtrrisë, ku sërish shpërndau dhurata në një kopësht fëmijësh.
Pamjet e kësaj vizite nga djali i Presidentit janë shpërndarë edhe në faqen e Facebookut të kopështit, ku fëmijët edhe janë shtyrë për ta falenderuar.
Nëna e një djali tha:
I nderuar Z. President, është nder dhe kënaqësi e madhe ta presësh djalin tënd. Danilo është një djalë i mrekullueshëm, i cili me të vërtetë na foli për gjithçka. Për jetën e serbëve në Kosovë dhe Metohi. Ai erdhi në shtëpinë time pa njoftuar dhe u takua me djemtë e mi, bisedoi… Ai më përcolli përshëndetjet e ngrohta të babait të tij dhe Presidentit tonë të Serbisë, Aleksandar Vuçiç. Faleminderit shumë.
