ISLAND – Situata e pandemisë dhe shtimi i rasteve në këtë periudhë vjeshte ka ndikuar shumë edhe në futboll dhe në lëvizjet e skuadrave përfaqësuese për takimet e Ligës së Kombeve. Cudia e rradhës vjen nga Islanda, përfaqësuesja e këtij shteti do të jetë e detyruar të zbresë në fushën e lojës pa trajnerin Erik Hamren dhe stafin teknik. Shkak është bërë një rast pozitiv me Covid-19, që ka detyruar teknikun dhe ndihmësit e tij të futen në karantinë. Ndërkohë, të gjithë futbollistët kanë rezultuar negativë pas testit me tamponë dhe do të luajnë normalisht sfidën e rëndësishme. Federata Islandeze e Futbollit bën të ditur se skuadra do të drejtohet nga trajneri i kombëtares U-21.
B.T (Dosja.al)
