SPANJË- Babai i Lionel Messit, Jorge Messi fluturoi nga Argjentina drejt Barcelonës për të takuar presidentin e Barcelonës, Josep Maria Bartomeu në lidhje më të ardhmen e 33-vjeçarit. Në një prononcim kalimthi për mediat spanjolle ai është shprehur se është shumë e vështirë që ylli argjentinas të qendrojë te katalanasit. Jorge gjithashtu u shpreh se nuk është asgjë e sigurtë në lidhje më kalimin e tij në Premier League te Manchester City.
“Nuk e di nëse Lionel do të largohet nga Barcelona, por është shumë e vështirë që të qëndrojë këtu. Nuk ka asgjë konkrete në lidhje me Manchester City. Nuk kam biseduar me Pep Guardiolën dhe askënd tjetër“, deklaron babai i kapitenit të Barcelonës.
Lionel Messi u ka bërë të ditur drejtuesve të Barcelonës se dëshiron që të largohet, nga klubi që fitoi gjithçka, pasi nuk e sheh më vetën pjesë të pandarë e katalanasve.
(I.A/dosja.al)
