MILANO– Te skuadra e Interit ka një çështje që duhet zgjidhur shpejt. Bëhet fjalë për Christian Eriksen,danezi është i pakënaqur me minutat e pakta dhe këtë e ka shprehur hapur, ndërsa trajneri Antonio Conte është detyruar të reagojë menjëherë. “Të gjitha zgjedhjet që bëj janë gjithmonë dhe vetëm për të mirën e Interit, jo vetëm për një lojtar të vetëm”. Tekniku italian foli360 ° në lidhje edhe me Arturo Vidal, ishte pikërisht Conte që dëshironte në skuadër mesfushorin kilen.
“Vidal është një lojtar i shkëlqyeshëm, ai gjithmonë di çfarë të bëjë në fushë. Atij i duheshin dy javë stërvitje të plotë, por ai luan vazhdimisht dhe për këtë arsye do të duhet të marrë formën më të mirë duke luajtur.
Në fund Conte flet edhe për presidentin e skuadërs Steven Zhang: “Ai është një person jashtëzakonisht i përgatitur, i vendosur, i sinqertë. Interi tani është pjesë e jetës së tij, madje edhe në një moment si ky në të cilin ai duhet domosdoshmërisht të kalojë më shumë kohë në Kinë, ai na bën të ndjejmë mbështetjen e tij “.
E.Ç (Dosja.al)
