Aleanca për Ardhmërinë e Kosovës e ka shumë seriozisht marrjen e postit të Presidentit nga kryetari i kësaj force politike Ramush Haradinjaj, ndërsa vendimi i një propozimi të tillë është marrë ditë më parë në mbledhjen e kryesisë i propozuar nga shumica e anëtarëve.
Së fundmi, këtë bindje e ka përforcuar deputeti i AAK-së, Rasim Selmanaj, i cili ka paralajmëruar se vendi mund të shkojë në zgjedhje të parakohshme nëse Presidenti i ardhshëm nuk do të zgjidhet Haradinaj.
Selmanaj shkruan në Facebook, se zgjedhja e presidentit të ri varet nga AAK duke shtuar po ashtu se zgjedhjet e parakohshme janë vetëm në të mirë të Vetëvendosjes dhe AAK-së, pasi sipas tij këto dy parti janë më të konsoliduarat në elektorat.
Postimi i plotë: Rreth Presidentit dhe debatit: Ne e kemi presidentin e zgjedhur, pavarësisht mendimit personal, unë dhe, besoj, një pjesë dërmuese e popullit janë me të në raport me Gjykatën Speciale, pasi besojmë fuqishëm në luftën e pastër të popullit tonë në fund shekullin 20-të.
Jemi të vetëdijshëm se zgjedhja e Presidentit varet kryekëput nga deputetët e AAK-së ose vendin e dërgojnë në zgjedhje ata që e bllokojnë këtë propozim.
Shkuarja në zgjedhje i konvenon vetëm VV-së dhe AAK-së, të cilat edhe janë të konsoliduara edhe kanë substancën elektorale të ruajtur mirë.
Pra, pavarësisht zërave kundër, nominimi i Haradinajt për President dhe zgjedhja e tij do t’i forconte institucionet dhe do të krijonte kredibilitet të një figure unifikuese për tërë qytetarët e Kosovës.
(F.GJ/FAXWEB.AL)
